Тұсаукесер
Алғабас жалпы орта мектебінде белгілі кинорежиссер Еркін Рақышевтың «Тұрар Рысқұлов» деркеті фильмінің тұсаукесер көрсетілуі болды. Фильмді көруге Алғабас, Мәнтәй Жәрімбетов, Түлкібас ауылдарының ақсақалдары, мектеп ұжымы мен оқушылары келді.
Алғабас жалпы орта мектебінде белгілі кинорежиссер Еркін Рақышевтың «Тұрар Рысқұлов» деркеті фильмінің тұсаукесер көрсетілуі болды. Фильмді көруге Алғабас, Мәнтәй Жәрімбетов, Түлкібас ауылдарының ақсақалдары, мектеп ұжымы мен оқушылары келді.
Бұрын көрермендерге «Жаралы сезім», «Менің де атым Қожа», «Жетімдер», «Қажылық», «Астанаға көктем кеш келеді», «Мәңгі өмір сүргің келсе», «Алтын адамның ұрлануы», «Менің ағам Борат» фильмдерімен танымал болған Еркін, бұл жолы басқа қырынан көріне білді. Бұл фильмді түсіру үшін түсіруші топтың үлкен жұмыс істегені көрініп тұр. Керекті деректерді Қазақстанның, Қырғызстанның, Өзбекстанның және Мәскеудің мұрағаттарында ұзақ отырып жинаған екен. Одан басқа көптеген тарихшы ғалымдармен, басқа да зерттеушілермен, Тұрардың туған-туыстарымен сұхбаттасқан. Фильм көрермендерін өткен тарихымыздың көп жеріне басқаша қарап толғандырары сөзсіз. Бұл фильм-киноөнерімізге, тарихымызға қосылған үлкен үлес. Фильмнің өскелең ұрпақты тәрбиелеуде маңызы зор. Фильмнің соңында ақсақалдар Еркінге рахметтерн айтып, баталарын берді, алдағы уақытта да шығармашылық сәттілік тіледі.
Фильмді түсіру барысында былтырғы жылдың аяғында Еркіннің Тұрар Рысқұлов атамыздың жерленген жерін тапқаны – үлкен сенсация болғанын айта кеткен жөн.
Негізі: Түлкібас аудан жаңалықтары,28 қан 2012
Сіз осы жаңалыққа қатысты өз түсініктемеңізді немесе ойыңызды қалдыруыңызға болады. Ол үшін төмендегі сілтемені басыңыз.
|
