Еске алу кеші
Аудандық орталық кітапханада көрнекті қоғам және мемлекет қайраткері Д.А.Қонаевтың туылғанына 100 жыл толуына арналған «Тау тұлға» атты еске алу кеші өтті.
Аудандық орталық кітапханада көрнекті қоғам және мемлекет қайраткері Д.А.Қонаевтың туылғанына 100 жыл толуына арналған «Тау тұлға» атты еске алу кеші өтті. Қазақ халқының бір туар ұлы перзенті, көрнекті мемлекет және қоғам қайраткері, парасатты азамат, ғұлама ғалым, академик, қазақ елін ширек ғасырға жуық уақыт басқарған, «ХХ ғасыр адамы» деп танылған Д.А.Қонаевтың өмірі мен қызметі туралы кешті жүргізуші Дарын мектебінің 11 сынып оқушысы Әден Жансая баяндама жасады. Еске алу кешіне қатысқан кітапхананың тұрақты оқырмандары Мәлібеков Нығматулла, Ахметов Құдайберген және Көлбаев Махамбет өздерінің Д.А.Қонаев туралы оқыған естеліктерін, оның қандай адам болғандығы туралы өте әсерлі етіп айтып берді. Абай атындағы мектеп-лицейінің 11 сынып оқушысы Әлібек Райхан ақындардың Д.А.Қонаев туралы жазған өлеңдерін оқыды. Мәдениет үйінің қызметкері Келімбетов Тұрысбек патриоттық әндер орындады. Кеш соңында аудандық кітапхананың библиографы Тұңғышбаева Фарида «Заманның заңғар тұлғасы» атты кітап көрмесіне библиографиялық шолу жасады. Кешке қатысқан оқырмандарға сыйлықтар берілді.
Негізі: Түлкібас аудан жаңалықтары,20 қан 2012
Сіз осы жаңалыққа қатысты өз түсініктемеңізді немесе ойыңызды қалдыруыңызға болады. Ол үшін төмендегі сілтемені басыңыз.
|
