Қоғамдық тыңдау өтті
Ауданымызда «Жұмыспен қамту - 2020» бағдарламасының орындалу барысы туралы аудандық «Нұр Отан» ХДП сайлауалды штабында қоғамдық тыңдау өтті.
Ауданымызда «Жұмыспен қамту - 2020» бағдарламасының орындалу барысы туралы аудандық «Нұр Отан» ХДП сайлауалды штабында қоғамдық тыңдау өтті. Оған партияның аудандық филиалының аппараты, аудандық жұмыспен қамту орталығының қызметкерлері, Түлкібас агробизнес және саяхат колледжінің қызметкерлері мен студенттері, №22 кәсіптік лицейдің өкілдері, мемлекеттік мекеме басшылары мен орта және шағын өнеркәсіп басшылары және БАҚ өкілдері қатысты. Кездесуді аудандық «Нұр Отан» ХДП-сының сайлауалды штабының төрағасы А.Нұранов ашып, жүргізіп отырды. Аудандық жұмыспен қамту орталығының директоры А.Төлепбергенов баяндама жасады. Баяндамада көрсетілгендей мемлекеттік жастар саясатын жүзеге асыруда, оның ішінде жастар арасында жұмыссыздықты азайту, қоғамдық және әлеуметтік жұмыстарға тарту, кәсіби біліктілігін арттыру бағытында бірқатар жұмыстар атқарылған. Дәйекті атқарылатын жұмыстар да жетеді. Басқосуда Түлкібас агробизнес және саяхат колледжінің студенттері А.Рүстембай, Г.Тастанова, «Рысбек -А» ЖК А.Гулимбетов сөз сөйлеп, күн тәртібінде қойылып отырған мәселе бойынша өз пікірлерін білдірді. Кездесуге қатысып отырған жастар көптеген сұрақтар қойып нақтылы жауаптар алды. Басқосуда «Нұр Отан» ХДП аудандық сайлауалды штабы төрағасының орынбасары Б.Қуанышбеков сөз сөйлеп, партия басшылығымен атқарылып жатқан істерге тоқталып, алдағы міндеттерді айтып өтті.
Негізі: Түлкібас аудан жаңалықтары,13 қан 2012
Сіз осы жаңалыққа қатысты өз түсініктемеңізді немесе ойыңызды қалдыруыңызға болады. Ол үшін төмендегі сілтемені басыңыз.
|
